Share/Bookmark

२४ ऑक्टो, २०१७

बाहुबली शेअरबाजार - एक आढावा


मित्रहो,
खुप म्हणजे खुपच दिवस झाले येथे शेवटची पोस्ट लिहील्याला!
 विविध कारणामुळे लिखाणात खंड पडला होता पण आज तब्बल दोन वर्षानंतर ्लिहायला मुहुर्त मिळाला आहे. माझ्या सर्व वाचकमित्राना पुन्हा भेटताना मला वेगळाच आनंद मिळत आहे.
मी पुन्हा लिखाण सुरु करण्याची दोन कारणे अशी-
गेल्या पाच वर्षात देशात व जगात फार मोठ्या उलाढाली झाल्या आहेत. जुनी राजकिय व आर्थिक समीकरणे पार बदलून गेली आहेत. अशा सर्व ब-या वाईट बदलामधुन शेअरबाजार तावून सुलाखुन निघालेला दिसतो आहे एवढेच नव्हे तर 'ऑल टाईम हाय' ला पोचला आहे.
दुसरे कारण म्हणजे सुमारे पाच वर्षापूर्वी २०१२ मध्ये 'उत्तम दर्जाचे शेअर्स निवडण्याविषयी मी येथे एक लेख लिहीला होता. त्या लेखाला अनुसरुन तेथे उल्लेख केलेल्या शेअर्सची आजची परिस्थिती काय आहे याचा आढावा घेणे मनोरंजक ठरेल.
या व्यतिरिक्त माझ्या ज्या जवळच्या मित्रानी मला लिखाण पुन्हा सुरु करण्यासाठी प्रेरणा दिली, आग्रह केला त्यांचे आभार मानुन लेखाच्या विषयाकडे वळतो.
२०१२ साली लिहिलेल्या त्या लेखाचे पुन्हा एकदा वाचन केले तर आजच्या लेखाशी पटकन जुळवून घेता येइल.  त्यावेळी उल्लेख केलेल्या कंपन्यांच्या तेव्हाच्या व आताच्या किमती बघुया.

१) आयटीसी - एप्रिल २०१२ मध्ये २३६ रु व आजची किंमत २६७ रु. यात २०१६ मध्ये मिळालेले बोनस शेअर्स लक्षात घेता ही किंमत सुमारे चारशे रु. होते. म्हणजे पाच वर्षात दुप्पट वाढ. या व्यतिरिक्त दरवर्षी डिव्हीडंडही मिळालेला आहे. जीएसटी व तम्बाखु उत्पादनांविषयीच्या सरकारच्या बदलत्या धोरणाच्या पार्श्वभूमीवर ही कामगिरी वाईट नाही.

२) हिन्दुस्तान युनिलीवर- एप्रिल २०१२ मधील किंमत सुमारे ४०० रु. तर आजची किंमत तब्बल १२७० रु. -तिपटीपेक्षा अधिक वाढ. शिवाय दरवर्षी दोनदा डिव्हीडंड ! पतन्जली च्या लाटेनंतरही उत्तम कामगिरी !

३) टायटन - त्यावेळची किंमत २३८ रु. तर आजची ६०५ रु. म्हणजे सुमारे अडीच पट अधिक दरवर्षीचा डिव्हीडंड.

४) नेस्ले इन्डीया - एप्रिल २०१२ मधील किंमत ४९०० रु तर आजची किंमत ७२०० रु म्हणजे सुमारे अडीचपट अधिक दरवर्षी दोनदा डिव्हीडंड. मॅगी उत्पादनावरील वाईट शेरा व बदनामीनंतरही ही कामगिरी उत्तमच .

५) कोलगेट - तेव्हाची किंमत सुमारे ११०० रु तर आताची किंमत १०६० रु. यात २०१५ मधील बोनस लक्षात घेता आताची किंमत सुमारे १६०० रु होते. पाच वर्षात सुमारे दीडपट तसेच दरवर्षी दोनदा डिव्हीडंड. कोलगेटलाही पतन्जलीची स्पर्धा जाणवते आहेच.!

६)   एलआयसी हाऊसिंग फायनान्स- तेव्हाची किंमत २६५ रु तर आताची ६३५ रु. म्हणजे सुमारे अडीचपट वाढ अधिक दरवर्षी डिव्हीडंड.

७) बॅन्क ऑफ बरोडा- त्यावेळची किंमत ७८७ रु. तर आजची १४३ रु.म्हणजे २०१५ मधील स्प्लिट लक्षात घेता खरी किंमत सुमारे ७०० रु. अधिक डिव्हीडंड मात्र पाच वर्षात वाढ नाही.  निराशाजनक.

एकुण निश्कर्ष असा कि वरील प्रातिनिधीक अशा सात पैकी  सहा कंपन्यानी उत्तम कामगिरी केलेली आहे.निफ्टी इन्डेक्स ही याच कालावधीत दुप्पट झालेला आहे.
तेव्हा हे स्पष्टच आहे कि आपला शेअरबाजार गेल्या पाच वर्षातील भारतीय सत्तापालट, जीएसटी, नोटाबंदी. दुष्काळ,अतीवृष्टी तसेच जागतिक घडामोडी उदा. युद्धे, दहशतवाद, क्रुड तेलाच्या कोसळत्या किंमतीमुळे तयार झालेली नवी राजकिय समीकरणे, अमेरिकेतील सत्तापालट व अलिकडील नॉर्थ कोरिया प्रकरण या सर्वाना पुरुन उरलेला आहे ! जणू बाहुबली ठरलेला आहे !
गेल्या पाच वर्षात ज्या वाचकाना यामुळे फायदा झाला आहे त्यांचे या ब्लॉगतर्फे अभिनंदन !
तसेच शेअरबाजार अत्युच्च पातळीवर असताना यापूढे काय शक्यता असतील व आपण काय करायला हवे त्याची चर्चा पूढील पोस्ट मध्ये!
 


.


1 comments:

  • Nordin Ghani says:
    २५ सप्टेंबर, २०१८

    We offer Easy and Fast Credit facility.
    Email: royalworldfundings@gmail.com

    Note: We offer the following finances to individuals-
    Commercial finances
    Personal finances
    Business finances
    Investments finances
    Development finances
    Acquisition finances
    Construction finances
    Business finances And many More at 3% interest rate;
    Contact Us At : royalworldfundings@gmail.com